ഇപ്പോൾ അപേക്ഷിക്കാം

കേരളാ പോലീസ് പുരുഷ-വനിതാ എസ്.ഐമാരെ തിരയുന്നു. ഇതിനായി പി.എസ്.സി. വിജ്ഞാപനം പുറപ്പെടുവിച്ചു. (Category No;448/2025). 45600-95600 രൂപയാണ് ശമ്പള സ്കെയിൽ. 02-01-1994നും 01-01-2005നും ഇടയിലുള്ള (20-31Years) കാലഘട്ടത്തിൽ ജനിച്ച ബിരുദധാരികളായ പുരുഷന്മാർക്കും സ്ത്രീകൾക്കും അപേക്ഷിക്കാം. എസ്.സി/എസ്.ടി വിഭാഗത്തിൽപ്പെട്ടവരിൽ ബിരുദധാരികളുടെ അഭാവത്തിൽ ഇന്റെർമീഡിയറ്റ് /പ്രീ യൂണിവേഴ്സിറ്റി പാസ്സായവരെയും പരിഗണിക്കും. നിലവിൽ പോലീസ് സേനയിൽ ജോലിചെയ്തുവരുന്ന ബിരുദധാരികളായ കോൺസ്റ്റബിൾമാർക്കും മിനിസ്റ്റീരിയൽ ഉദ്യോഗസ്ഥാർക്കുവേണ്ടിയും പ്രത്യേകം അപേക്ഷ ക്ഷണിച്ചിട്ടുണ്ട്. (Category No;449/2025 & 450/2025). കായിക ക്ഷമതയുള്ളവർ മാത്രം അപേക്ഷിച്ചാൽ മതി. പുരുഷ-വനിതാ ഉദ്യോഗാർത്ഥികളുടെ ശാരീരിക യോഗ്യത ചുവടെ.

പുരുഷന്മാർ

ഉയരം 165.10 സെന്റീമീറ്റർ (എസ്/സി,എസ്.ടി 160.02 Cm), നെഞ്ചളവ് 81.28 സെന്റീമീറ്റർ. നെഞ്ച് വികാസം 5.08 സെന്റീമീറ്റർ. താഴെ വിവരിക്കുന്ന എട്ടിൽ അഞ്ച് കായിക ക്ഷമതാ ടെസ്റ്റുകളിൽ വിജയിക്കണം. (1). 14 സെക്കന്റിൽ 100 മീറ്റർ ഓടണം. (2). 132.20 സെന്റീമീറ്റർ ഹൈജമ്പ് ചാടണം. (3). 457.20 സെന്റീമീറ്റർ ലോങ് ജമ്പ് ചാടണം. (4). 7264 ഗ്രാം ഭാരമുള്ള ഷോട്ട്പുട്ട് 609.60 സെന്റീമീറ്റർ എറിയണം. (5). ക്രിക്കറ്റ് ബാൾ 6096 സെന്റീമീറ്റർ എറിയണം. (6).365.80 സെന്റീമീറ്റർ ഉയരം റോപ്പിൽ കൈപിടിച്ച് കയറണം. (7). വടംവലി 8 തവണ. (8). 5 മിനുറ്റ് 44 സെക്കന്റുകൊണ്ട് 1500 മീറ്റർ ഓടണം.

വനിതകൾ

ഉയരം 160 സെന്റീമീറ്റർ (എസ്/സി,എസ്.ടി 155Cm). താഴെ വിവരിക്കുന്ന എട്ടിൽ അഞ്ച് കായിക ക്ഷമതാ ടെസ്റ്റുകളിൽ വിജയിക്കണം. (1). 17 സെക്കന്റിൽ 100 മീറ്റർ ഓടണം. (2). 1.06 മീറ്റർ ഹൈജമ്പ് ചാടണം. (3). 3.5 മീറ്റർ ലോങ് ജമ്പ് ചാടണം. (4). 4 കിലോഗ്രാം ഭാരമുള്ള ഷോട്ട്പുട്ട് 4.88 മീറ്റർ എറിയണം. (5).ത്രോബാൾ 14 മീറ്റർ എറിയണം. (6). ഷട്ടിൽ റേസ് 26 സെക്കൻഡ്.. (7). സ്കിപ്പിങ് 80 തവണ. (8). 36 സെക്കന്റുകൊണ്ട് 200 മീറ്റർ ഓടണം.

കാഴ്ചശക്തി ആരോഗ്യസ്ഥിതി എന്നിവ സംബന്ധിച്ച് നിശ്ചിത മാതൃകയിൽ സിവിൽ സർജന്റെ സാക്ഷ്യപത്രം ഹാജരാക്കണം. തെരഞ്ഞെടുക്കപ്പെട്ടാൽ ഒരു വർഷം പോലീസ് ട്രെയിനിങ് കോളേജിൽ പരിശീലനം. 10.5 മാസം പോലീസ് സ്റ്റേഷനുകളിൽ പ്രായോഗിക പരിശീലനം. പ്രൊബേഷൻ കാലാവധി രണ്ടു വർഷം. കേരള പബ്ലിക് സർവീസ് കമ്മീഷന്റെ വെബ്സൈറ്റ് മുഖാന്തിരം ഓൺലൈൻ ആയി 31-12-2025 അർധരാത്രി വരെ അപേക്ഷ സമർപ്പിക്കാം.

https://www.keralapsc.gov.in/sites/default/files/2025-11/noti-448-450-25.pdf

Disclaimer;– ഉദ്യോഗാർഥികളുടെ അറിവിലേക്കുവേണ്ടി മാത്രം. പരീക്ഷ,തെരഞ്ഞെടുപ്പ്,നിയമനം എന്നിവ സംബന്ധിച്ച് നിലവിലുള്ള പി.എസ്.സി, കേരളാ പോലീസ്, കേരള സർക്കാർ ചട്ടങ്ങൾക്കും നിബന്ധനകൾക്കും വിധേയം. അവയുമായി സോൾട്ട് മാർച്ച് ഡിജിറ്റൽ മീഡിയയ്ക്ക് യാതൊരു ബന്ധവും ഇല്ല.സോൾട്ട് മാർച്ച് മീഡിയയ്ക്ക് പ്രതിനിധികൾ ഇല്ല.Home